د پروسیجر پر مهال خارج ته سفر کول
ستاسو د پناهندګۍ د پروسیجر پر مهال تاسو خارج ته سفر نشئ کولی. کله چې تاسو ته د مهاجر په صفت قبولي درکړی شوه، تاسو بیا سفر کولی شئ، خو خپل اصلي وطن ته یې نشئ.
د پناهندګۍ د پروسیجر پر مهال د سفر کولو اجازه نشته
د نړیوال حفاظت د غوښتونکي په صفت تاسو د خپل پروسیجر پر مهال د بلجیم نه نشئ تللی. ځکه چې تاسو د اوسېدو اقامه نلرئ. ستاسو د ثبت نام سند تاسو ته د اروپا دننه د سفر کولو امکان نه درکوي.
خو، تاسو هر وخت دا پرېکړه کولی شئ چې خپل اصلي وطن ته د ستنېدو لپاره د پناهندګۍ پروسیجر ودروئ. فیدازیل تاسو سره ستاسو د بېرته تګ په تنظیمولو کې کومک کوي او ستاسو د پرواز پیسې ادا کوي.
د قبول شوي مهاجر په صفت سفر کول
که تاسو د مهاجر په صفت قبول شوي یاست او یا مو متبادل حفاظتترلاسه کړی وي، نو بیا تاسو دوباره خارج ته سفر کولی شئ.
د سفر لپاره تاسو کومو اسنادو ته اړتیا لرئ؟
- یو اعتبار لرونکی الکترونیکي د خارجي تبع کارت
- مهاجرو لپاره سفري سند (ابي پاسپورټ).
ابي پاسپورټ لپاره درخواست ورکول
پاسپورټ لپاره تاسو په هغې ښاروالۍ یا ښار کې درخواست ورکولی شئ چیرته چې تاسو راجستر یاست.
د پاسپورټ د درخواست لپاره تاسو لاندې اسنادو ته اړتیا لرئ:
- ستاسو اعتبار لرونکی الکترونیکي د خارجي تبع کارت
- یو د پاسپورټ عکس کوم چې پاسپورټ لپاره په شرطونو پوره وي
- د فامیلي جوړښت ثبوت (ښاروالۍ نه یې وغواړئ)
آیا غواړئ چې خپل اصلي وطن ته بېرته لاړ شئ؟
د فیدازیل 'د 'ستنېدو' دفترونو ته ورشئ
یا دې وړیا شمارې 0800 32 745ته زنګ ووهئ