Një vend tjetër europian është përgjegjës për aplikimin tim

Kur ju aplikoni per mbrojtje nderkombetare ne Belgjike, Zyra e Emigracionit DVZ/OE do të kontrollojë nëse Belgjika është përgjegjëse për shqyrtimin e aplikimit tuaj.

Nëse, sipas rregullave të BE-së (Rregullorja e Dublinit), një tjetër vend europian është përgjegjës, ju do të ktheheni në atë vend në mënyrë që ata të mund të shqyrtojnë aplikimin tuaj.

Cili vend duhet të trajtojë kërkesën time?

• Si prioritet, vendi ku keni një anëtar të familjes i cili tashmë është njohur si refugjat ose që ka një procedurë në vazhdim.
• Nëse nuk keni një anëtar të familjes në këtë situatë, vendi përgjegjës është ai ku keni leje qëndrimi ose vizë.
• Nëse nuk keni vizë ose leje qëndrimi (ju keni hyrë në mënyrë ilegale në territorin e Evropës), vendi përgjegjës është ai përmes të cilit keni hyrë në Europë.

Çfarë ndodh nëse një vend tjetër evropian është përgjegjës për aplikimin tim?

Zyra e Emigracionit DVZ/OE do të kërkojë nga ky vend që të trajtojë aplikimin tuaj për mbrojtje. Nëse vendi përgjegjës pajtohet, Zyra e Emigracionit DVZ/OE do të organizojë udhëtimin tuaj në këtë vend.

Në cilin rast do të jetë Belgjika përgjegjëse për shqyrtimin e aplikimit tim?

• Nëse nuk ekzistojnë kritere të së drejtës së BE-së (rregullorja e Dublinit) për situatën tuaj
• Nëse vendi përgjegjës europian refuzon të kujdeset për ju
• Nëse një shtet tjetër europian është përgjegjës por transferimi juaj nuk ka ndodhur brenda 6 muajve nga pranimi, atëherë Belgjika automatikisht bëhet përgjegjës për aplikimin tuaj.