ماشومان لرونکي فامیلونه چې قانوني اقامه نلري
هغه فامیلونه چې واړه ماشومان لري او قانوني اقامه نلري او محتاج وي کولی شي چې په کوم ځای کې اوسېږي د هغه ځای د CPAS/OCMW څخه د مرستې غوښتنه وکړي.
شرطونه
تاسو خپل فامیل لپاره د استوګنې د ځای درخواست ورکولی شئ که چیرې
- ستاسو د ماشوم عمر د 18 کالو نه کم وي
- ستاسو ماشومان قانوني اقامه نلري
- ستاسو ماشومان محتاج وي: تاسو د ماشومانو د پاملرنې لپاره کومک ته اړتیا لرئ
چیرته باید لاړ شئ؟
تاسو د خپل استوګنځي CPAS/OCMW ته درخواست ورکوئ. CPAS/OCMW ګوري چې آیا تاسو په شرایطو پوره یاستئ که نه او ستاسو درخواست فیدازیلته استوي. دا پروسیجر 2 میاشتې دوام کولی شي.
فیدازیل به تاسو ته د مهاجرت د دفتر (DVZ/OE) د استوګنې په یو مرکز کې د اوسېدو ځای درکړي. ستاسو د خوراک او استوګنځي پیسې د بلجیم دولت ورکوي. یو ټولنیز کارمند به درسره ستاسو د راتلونکي او ستاسو د ماشومانو د راتلونکي په اړه پرېکړه کولو کې مرسته وکړي.
د استوګنې دغه ځای ته د تګ یا نه تګ پرېکړه تاسو خپله کوئ.
د یو باثباته راتلونکي په لور
د استوګنې په مرکز کې به تاسو وخت او ارام ومومئ تر څو د خپل راتلونکي په اړه فکر وکړئ. تاسو لپاره درې لارې دي:
- ته دا خبره غوره کولی شې چې خپل وطن ته بېرته لاړ شې.
- باید دې لپاره اقدامات وکړې چې بلجیم کې قانوني ژوند وکړې.
- بل یو داسې هیواد چې ته پکې په قانوني توګه اوسېدلی شې ته د تللو سفر ته ادامه ورکړې.