ምርካብ ዜግነት ቤልጂዩም

ደቆም ንበልጅማዊ ወለዲ ብቐጥታ ናይ በልጅም ዜግነት ይረኽቡ። ናይ ወጻኢ ዜጋታት ኣብ ትሕቲ ውሱናት ኲነታት ንበልጅማዊ ዜግነት ከመልክቱ ይክእሉ።

 ቤልጂዩማዊ ዜግነት ንምርካብ መመልከቲ መዓስ ክተእትዉ ትኽእሉ፧

• ብውሕዱ ን5 ዓመታት ብሕጋዊ መንበሪ ፍቓድ ኣብ በልጅም ነባሪ ኮይንካ እንተጸኒሕካ
• ንዘይተወሰነ እዋን ክትቅመጥመሰል እንተለካ
• ንስኻ/ኺ ኣብ በልጅም እንተተጸንቢርካ ንኣብነት፡ ንስኻ/ኺ ናይ ጽንባረ ምስክር ወረቐት እንተልይኩም።
• ን1 ካብቶም 3 ሃገራዊ ቋንቅታት ክትዛረብን ክትጽሕፍን ትኽእል እንተኾይንካ
• ድሮ እንተውሓደ 468 መዓልታት ሰሪሕካ እንተሊኻ/ኺ

ተወሳኺ ሓበሬታ ካብ ምምሕዳር ከተማ ክትረኽቡ ትኽእሉ ኢኹም።

ንበልጅማዊ ዜግነት ብኸመይ ክተመልክቱ ትኽእሉ፧

• ንመመልከቲኹም ኣብ`ቲ ተመዝጊብኩሙሉ ዘለኹም ምምሕዳር ከተማ ክተረክብዎ ከድልየኩም እዩ።
• እቲ ናይ ምምሕዳር ከተማ በዓል ስልጣን ምስቲ Immigration Office (ቤት-ጽሕፈት ኤሚግረሽን)፡ እቲ ቤት-ጽሕፈት ህዝባዊ ኣኽባር ሕጊ ከምኡ'ውን እቲ ክፍሊ ሃገራዊ ድሕነት ብምምኽኻር ንመመልከቲኹም ክምርምሮ እዩ።
• እቲ ቤት-ጽሕፈት ህዝባዊ ኣኽባር ሕጊ ብዛዕባ መመልከቲኹም (ኣብ ውሽጢ 4 ኣዋርሕ) ውሳነ ክህብን ነቲ ናይ ምምሕዳር ከተማ በዓል ስልጣን ክሕብሮን እዩ።
• እቲ ውሳነ ኣሉታዊ እንተኾይኑ፡ ናብቲ Court of First Instance (ቤት-ፍርዲ ቀዳማይ ጒዳይ) ይግባይ ክትብሉ ትኽእሉ።