Helitaanka dhalashada Biljimka
Muwaadiniinta ajaanibta ah waxay kaliya codsan karaan dhalashada Biljimka ka dib 5 sano marka ay u deganaadaan gudaha Biljimka. Waxaa jiro shuruudo badan oo loo baahan yahay in la buuxiyo.
Carruurta ay dhaleen waalidiinta Biljimka ah waxay si toos ah u helaan dhalashada Biljimka. Muwaadiniinta ajaanibta ah waxay codsan karaan dhalashada Biljimka marka ay buuxiyaan shuruudaha qaarkood.
Goorma ayaad soo gudbin kartaa codsiga dhalashada Biljimka?
- Marka aad si sharci ah ku degganeyd gudaha Biljimka ugu yaraan 5 sano
- Marka aad leedahay xaq aad ku sii joogto wakhti aan go'nayn
- Marka aad ka sameeysay isdhexgal gudaha Biljimka, tusaale ahaan marka aad haysato shahaadada isdhexgalka
- Marka aad ku hadasho 1 ka mid ah 3 luqadood ee qaranka
- Marka aad horay u soo shaqeysay ugu yaraan 468 maalin.
Waxaad ka heli kartaa macluumaad dheeraad ah dowladda hoose.
Sidee ayaad u codsan kartaa dhalashada Biljimka?
- Waxaad u baahan tahay inaad u gudbiso codsi degmada aad ka diiwaangashan tahay.
- Sarkaalka dawladda hoose ayaa baari doona codsigaaga asagoo la tashanaya Xafiiska Socdaalka, xafiiska xeer-ilaaliyaha guud iyo Waaxda Amniga Qaranka.
- Xafiiska xeer-ilaaliyaha guud ayaa go'aan ka gaaraya codsigaaga (4 bilood gudahood) wuxuuna wargalin doonaa sarkaalka dawladda hoose.
- Haddii go'aanka diidmo yahay, waxaad rafcaan ka qaadan kartaa Maxkamadda Darajada Koowaad.